امریکہ شیر کے دم سے کھیلنے سے باز رہے: صدر ایران ڈاکٹر حسن روحانی

امریکہ شیر کے دم سے کھیلنے سے باز رہے: صدر ایران ڈاکٹر حسن روحانی

از:ظفر اقبال

امریکہ شیر کے دم سے کھیلنے سے باز رہے۔ اگر امریکہ کے ساتھ جنگ ہوتی ہے تو یہ تمام جنگوں کی ماں ہوگی۔ ایرانی صدر کا کہناہے کہ امریکہ کے لئے ایرا ن کے ساتھ امن ضروری ہے۔

ایرانی صدر ڈاکٹر حسن روحانی کا یہ بیان ولایت فقیہ وامر مسلمین آیت اللہ خامنہ ای کے بیان کے ایک دن بعد آیا ہے جس میں آیت خامنہ ای نے فرمایا تھا کہ اگر ایرانی برآمدات کو روکنے کی کوشش کی گئی تو ایران خلیجی ممالک سے ہونے والے برآمد ات کو روک دے گا۔

ایرانی صدر نے سفارت کاروں سے خطاب کرتے ہوئے کہا کہ’’ ٹرمپ صاحب شیر کے دم سے نہ کھیلیں نہیں تو آپ کو بعد میں پچھتانا پڑسکتا ہے۔‘‘

صدر ایران نے یہ بھی کہا کہ ایران سے جنگ ’’تمام جنگوں کی ماں ہوگی۔‘‘

واضح رہے کہ رواں برس مئی میں ٹرمپ نے ایران سے ہوئے عالمی معاہدے سے یکطرفہ طور سے نکلنے کا اعلان کردیا تھا اور یہ بھی ٹرمپ نے اعلان کردیا تھا جو بھی ایران سے تجارت کرے گا اس پر امریکہ پابندی لگائے گا۔ ایران کی خاص تجارت تیل پر مکمل طور پر پابندی لگانے کا امریکہ اعلان کرچکا ہے۔اس کو مدنظر رکھتے ہوئے آیت اللہ خامنہ ای نے ایک دن قبل ہی یہ اعلان کیا تھا کہ امریکہ سے مذاکرات ایک فاش غلطی ہوگی۔انہوں نے ایرانی حکومت کو مشورہ دیا کہ وہ دنیا کی تمام حکومت سے اچھے تعلقات بنائے لیکن اس فہرست میں امریکہ کو ہرگز شامل نہ کیا جائے۔

فون:9958361526