ایران کی طاقت سے امریکہ لرزہ براندام

ایران کی طاقت سے امریکہ لرزہ براندام

از:ظفر اقبال

حزب اللہ کے سربراہ سید حسن نصراللہ نے 2013 میں یہ بات کہی تھی کہ ہم ساری دنیا کے دہشت گردوں کو شام میں آنے کی دعوت دیتے ہیں۔ ہم ان کا وہ حشر کریں گے جس طرح مولا علی نے خیبر میں مرحب کا کیا تھا۔۔

واقعی حزب اللہ اور ایران نے یہ بات ثابت کردی ہے کہ انہوں نے باطل سے لوہا لے کر اس کو کیفر کردار تک پہنچا دیا ہے۔ اب یہ حالت ہے کہ ایران، شام اور حزب اللہ کی طاقت سے امریکہ، اسرائیل اور منافق طاقتیں لرزہ براندام ہیں۔ کل رات شام میں میزائلوں سے حملہ کیا گیا، اب امریکہ کی یہ حالت ہے کہ اس حملے کی ذمہ داری لینے سے انکاری ہے۔ سب سے پہلی تردید امریکی کی آئی، پھر فرانس کی آئی اور اسرائیل اس معاملے میں خاموشی اختیار کئے ہوئے ہے۔ لیکن روس کا کہنا ہے کہ لبنان کے فضائی حدود سے شام میں داخل ہونے بغیر شام پر میزائل فائر کیا گیا، اسرائیل نے آٹھ میزائل فائر کئے جس میں پانچ میزائلوں کو شام کی ائر ڈیفنس نے ناکارہ بنادیا۔

ویسے مشرق وسطی ایک بڑی جنگ کی طرف تیزی سے بڑھ رہا ہے جس جنگ میں امریکہ، سعودی عرب اور اسرائیل ایران اوراس کے ساتھیوں کے خلاف جنگ کرنے والے ہیں۔ امریکہ کے لئے بھی دو ہی راستہ بچا ہے، یا تو مشرق وسطی چھوڑ کر بھاگ جائے یا ایران سے جنگ کرے اس کے علاوہ کوئی آپشن اس کے پاس نہیں ہے۔ اب امریکہ کے لئے اپنی عزت بچا کر مشرق وسطی سے بھاگنا مشکل ہوگیا ہے۔ اب وائٹ ہاؤس اور پنٹاگن میں اب ایسا کوئی مشیر نہیں ہے کہ وہ امریکہ کو اس دلدل سے نکال سکے۔ یمن میں امریکہ اور سعودی عرب اپنی ناکامی پر پہلے سے ہی ماتم کناں ہے۔ یمن میں دراصل سعودی عرب سے زیادہ امریکہ جنگ لررہا ہے۔ لیکن اب تک امریکہ اور سعودی عرب کو کوئی کامیابی نہیں مل سکی ہے۔ جیسے جیسے جنگ دراز ہوتا جارہا ہے اسی طرح حوثی مجاہدین اسی قدر طاقتور سے طاقتورتر ہوتے جارہے ہیں۔ اگر امریکہ اور اس کے حوارین سے ایران کی بھرپور جنگ ہوتی ہے تو سارے مشرق وسطی کے ملیٹری بیسیز کو ایران اسی طرح تباہ کردے گا جس طرح کھیتوں میں ہل جوتے جاتے ہیں۔ اس چیز نے امریکہ کو پریشان کررکھا ہے اور پنٹاگن کے جنرل اور امریکی فوج کے مشیران پھونک پھونگ کر قدم اٹھارہے ہیں۔ اب مشرق وسطی کی یہ حالت ہے کہ یا تو اسرائیل رہے گا یا سعودی عرب میں آل سعود برسراقتدار رہے گا۔ اب دونوں کو جانا ہوگا۔ اس لئے یہ جنگ اسرائیل کی بقا کی جنگ ہے اس لئے جنگ کی نوعیت بہت ہی سنگین ہوگی۔

ان شاء اللہ اس جنگ میں ایران اور اس کے دوست فاتح ہوں گے اور امریکہ کی شکست اور اسرائیل کی نابودی اور آل سعودی کی تباہی پر منتج ہوگی۔

فون: 9958361526