پاکستان 14اگست اور ہندوستان 15اگست 1947کو آزاد ہوا

پاکستان 14اگست اور ہندوستان 15اگست 1947کو آزاد ہوا

#Pakisatan_India_1947

از: ظفر اقبال

بی بی سی اردو کے وسعت اللہ کا کہنا ہے کہ کیسے مان لیا جائے کہ ہندوستان 15اگست اور پاکستان 14اگست کو آزاد ہوا۔
اس ملک کو بنانے والے محمد علی جناح 15اگست 1947کی صبح قوم کو ریڈیو براڈ کاسٹ میں یوم آزادی کی مبارک باد دے رہے ہیں۔(اس خطاب کی ریکارڈنگ آج بھی انٹرنیٹ پر دستیاب ہے) مگر پھر یہ طے ہوا کہ نہیں ہمارا یوم آزادی ’14اگست‘ ہے۔ کسی نے اس بنیادی اصول پر غور نہیں کیا کہ جب ایک شے کو دو حصوں میں کاٹا جاتا ہے تو وہ حصے بیک وقت ہوں گے یا ایک ٹکراؤ دوسرے سے ایک دن بعد الگ ہوگا!!!
اس طرح وسعت اللہ خان نے ایک سوال قائم کیا ہے۔ لیکن جہاں تک مجھے اس بات کا ادراک ہے کہ محمد علی جناح کا پاکستان ایک دن پہلے یعنی 14اگست کو ہی آزاد ہوا ہے۔ اس کی ہمارے پاس دلیل ہے۔
محمد علی جناح کا شمار برطانوی سامراج کے بڑے وکیلوں میں ہوتا ہے. ان کے سامنے یہ بات آئی تھی. لیکن وکالت کے ماہرین اس بات کو اچھی طرح جانتے ہیں کہ تکنیکی اعتبار سے ہندوستان کی تقسیم کی ذمہ داری محمد علی جناح خود اپنے سر نہیں لینا چاہتے تھے. اس لئے انہوں نے ماؤنٹ بیٹن سے مطالبہ کیا کہ پاکستان کو ایک دن پہلے آزادی دی جائے تاکہ ہندوستان یہ الزام نہ لگاسکے کہ ہندوستان کی آزادی کے بعد تقسیم کرکے پاکستان کی تشکیل کی گئی ہے. یہ نکتہ ایک وکیل کے زہن کی اپج ہے. جو باتیں محمد علی جناح جیسے وکیل کے زہن میں ہی آسکتی تھیں.
فون: 9958361526