عرب لیگ کا ممبر ملک صومالیہ قحط کا شکار

عرب لیگ کا ممبر ملک صومالیہ قحط کا شکار

Arab_league_Saudi_Arabia_Somalia_drought

از:ظفر اقبال

عرب لیگ کا سب سے غریب ملک صومالیہ قحط سے دوچار ہوچکا ہے۔ وہاں بھوک اور بیماری سے بی بی سے کے بقول اڑتالیس گھنٹوں میں 110 افراد مرچکے ہیں۔ بہت سارے علاقوں میں جانور مرے پڑے ہوئے ہیں۔ جانوروں کے لئے چارہ ختم ہوچکا ہے۔ صومالیہ جو ’ہورن آف افریقہ‘ کے نام سے بھی موسوم ہے۔ عرب لیگ کے ٹھیکیدار اور بارسوخ ملک سعودی عرب کیا کررہا ہے، فی الحال سعودی عرب کے بادشاہ اپنے شہزادوں اور معاونوں کی فوج ظفر موج لے کر مشرقی بعید کے دورے پر نکلے ہوئے ہیں، تقریبا دس ممالک کے دورے پر ہیں، یہ دورہ تقریبا ایک مہینے پر محیط ہے، وہ بالی میں دس روز گذاریں گے، بالی انڈونیشیا کا تفریحی مقام ہے جہاں خوب خوب دادوعیش دیئے جائیں گے، سینکڑوں ٹن سامانوں اور لکژری گاڑیوں کے ساتھ یہ قافلہ عیش کی دنیا فتح کرنے کے لئے نکلا ہے لیکن عرب لیگ کا سب سے غریب ملک صومالیہ جو عشروں سے دہشت گردی کا شکار ہے ہی ساتھ ہی بھوک وافلاس نے ان کے گھروں پر ڈیرہ جمالیا ہے، یہ صومالیہ سعودی عرب کے ٹھیک سامنے ہے، صومالیہ کی کوئی بھی ملک مدد کے لئے نہیں آرہا ہے، صومالیہ بھوک اور افلاس سے دوچار ہے، ایسا محسوس ہوتا ہے کہ وہ افریقہ میں غم خانہ بن چکا ہے، لیکن یہ سعودی عرب ہی تھا جو چند مہنے قبل صومالیہ کی حکومت کو پچاس لاکھ ڈالر رشوت کے عوض ایران سے اپنا سفیر واپس بلوالیا تھا، واہ رے سعودی عرب جو سنی دنیا کا ٹھیکیدار بھی بنا پھرتا ہے اور عمرہ اور حج کی ساری کمائی خود ہڑپ کرلیتا ہے، عمرہ وحج سے سعودی کو سالانہ تقریبا چالیس بلین ڈالر کا فائدہ ہوتا ہے، جو ایک خطیر رقم ہے ساتھ ہی پٹرول تو ہے جو بے حساب ہے، عرب لیگ کا رکن ملک اور سنی ملک صومالیہ زبردست قحط سے دوچار ہے، صومالیہ کی غریب عوام مٹھی بھر اناج سے محروم ہیں اور تل تل مررہے ہیں۔ ْحج وعمرہ کی کمائی کا اگر پانچ فیصد بھی وہ صومالیہ کی بھلائی کے لئے اور ان کے ملک کی تعمیر وترقی کے لئے خرچ کردے اس سے صومالیہ کی ترقی ہوجائے گی، لیکن سعودی عرب اس ساہوکار کی طرح ہے جو غریب سنی مسلمان کو زندہ تو رکھتا ہے تاکہ ضرورت پڑنے پر اسے استعمال کرسکے۔

Like