اے پاکستان: آل سعود سے ہشیار باش!

اے پاکستان: آل سعود سے ہشیار باش!

#Pakistan_Saudi_Arabia#

از:ظفر اقبال

 سعودی عرب نے اپنی خاندانی حکومت کی بقا کے لئے اور برتری کے لئے جس طرح وہ عالم اسلام کو بے وقوف بنارہا ہے، وہ اظہرمن الشمس ہے۔ سعودی عرب خادم الحرمین الشریفین کی آڑ میں شیعہ۔ سنی کارڈ کھیل رہاہے۔ اس کے لئے وہ عالم اسلام میں اکیس مسلم ممالک کا جو اتحاد بنایا ہے۔ حالانکہ دنیا میں ستاون مسلم ممالک ہیں لیکں وہ صرف اکیس مسلم ممالک کو ہی اپنی فریب میں مبتلا کرسکا ہے باقی مسلم ممالک سعودی عرب کی مکاری سے اچھی طرح واقف ہیں۔ وہ صرف اپنی برتری کے لئے اور فخر کے لئے اور اپنی خاندانی حکمرانی کو دوام بخشنے کے لئے عالم اسلام کو لامتناہی جہنم میں جھونکنے میں لگا ہوا ہے۔ جس طرح آل سعود اپنی قیادت میں یمن جیسے غریب اور نہتے لوگوں پر بے دریغ بم برسارہا ہے یہ انسانیت کے لئے باعث شرم ہے۔ اسی طرح وہ عراق اور شام میں جس طرح خون کی ہولی کھیل رہا ہے اور شام کو خانہ جنگی میں ڈھکیلنے میں آل سعود اور آل ثانی اور آل نہیان اور آل خلیفہ کا ہاتھ سب کے سامنے ہے۔ وہ تو خوش قسمتی تھی کہ لبنان آل سعود کے فریب کا شکار نہ ہوا نہیں تو لبنان بھی 1975 سے 1990کے درمیان چلی خانہ جنگی سے گذررہا ہوتا۔
اس لئے پاکستان کی حکومت سے درخواست ہے کہ وہ آل سعود کی فریب کاریوں کا شکار نہ ہو۔ آل سعودکے غلط مشوروں کے باعث ہی ہزاروں پاکستانی پہلے ہی ہلاک ہوچکے ہیں اور پورا ملک مسلکی لڑائی میں جھلس رہا ہے۔ پاکستان کی خود تقریبا پانچ ہزار فوجی اس لڑائی میں ماری جاچکی ہے اور تقریبا بیس ہزار فوجی زخمی ہیں۔ یہ سب آل سعود کی قربت کا نتیجہ ہے اور اس کی پشت پناہی کرنے کی سزا ہے۔ شام کی حکومت کی بقامیں ہی فلسطین کی بقا ہے۔ جس دن شام کی حکومت گرگرئی اسرائیل کو اپنی سلطنت کی توسیع کرنے سے کوئی نہیں روک سکتا۔ شام اسرائیل کی راہ میں چٹان کی مانند کھڑا ہے، پاکستان بھی فلسطین کی آزادی کا حامی ہے اسی طرح دونوں کے مفادات یکساں ہیں۔یہ آل سعود شام کی حکومت کو گراکر فلسطینیوں کے پیٹھ میں خنجر گھونپنے کا کام کررہے ہیں اور اسرائیل کا منظور نظربننا چاہتے ہیں۔یہی سوڈان کاصدر عمر البشیرجس کے خلاف عالمی کریمنل کورٹ نے گرفتاری کا وارنٹ جاری کرچکا ہے لیکن اسرائیل اور سعودی عرب کی قرب کی وجہ سے اب اس وارنٹ کا ذکر کہیں اخبارات اور ٹی وی میں خبر بھی نہیں بنتی اب وہ بالکل آزاد گھوم رہا ہے۔ آل سعود کی حکومت کی کوشش ہوتی ہے ہر ممالک میں اسکے سربراہوں پر ذرا سااحسان کرکے اس کو اپنا مرہون منت بنالے تاکہ وہ وقتا فوقتااسے اپنے کاز کے لئے استعمال کرتا رہے۔۔ اسی طرح نواز شریف کے خاندان پر سعودی عرب نے جو احسان کیا ہے اس کی سزا پاکستانی قوم بھگت رہی ہے۔ نواز شریف نے سعودی عرب کے خلاف ملک میں ہونے والی ہر کوششوں کو ناکام کرنے کی کوشش کی ہے۔ نواز شریف آل سعود کا ایک مہرہ ہے، جو عالم اسلام کے ایک طاقتور ملک کو آل سعود خاندان پر قربان کردینے کے درپے ہے۔
شاعر مشرق علامہ اقبال وہی تھے جنہوں نے پاکستان کی تخلیق کا نظریہ پیش کیا تھا اسی اقبال نے تہران کو عالم مشرق کا جنیوا بننے کی پیشین گوئی کی تھی۔ جب اہل پاکستان کو علامہ اقبال پر اتنا بھروسہ ہے اور ان کی اتنی قدر ہے تو علامہ اقبال کی تہران کے تعلق سے پیشین گوئی بھی مکمل ہوکر رہے گی۔ اس لئے پاکستان کو آل سعود کی خدمت سے باز رہنا چاہئے نہیں تو آل سعود کا جو حشر ہوگا وہ پاکستان کا بھی ہوسکتا ہے۔
فون:9958361526